 Friuli |
Musiche FriulaneQuesta
pagina contiene una sezione di collegamenti a musiche friulane ed una
seconda sezione contenete testi di musiche friulane.
*******************************************************************
COLLEGAMENTI A
MUSICHE FRIULANE
ascolta la toroniera
|
|||
A
B
C
D
E
|
G
I
J
L
|
M
N
O
S
V
|
Per ulteriori informazioni sul friuli e le sue canzoni consulta il sito.
http://fur.wikipedia.org/wiki/Categorie:Vilotis_furlanis
A
A planc cale il soreli
A planc cale il soreli
daûr di un'alte mont
une grande pâs e regne
che pâr un sium profont
E lis piorutis mangjin
jarbutis che son là
il to pinsîr oh biele
cui sa là ch'al sarà
Ai preât
Ai preât la biele stele
ducj i sants dal paradîs
che il signôr fermi la vuere
che il gno ben torni al pais
Ma tu stele biele stele
va palese 'l gno destin
va daûr di chê montagne
là ch'al è il gno curisin
Al cjante il gjal
Al cjante il gjal
al criche il dì
mandi ninine
mi tocje partî
Al è lunc e stret di spalis
Al è lunc e stret di spalis,
nol ten sù nancje il tabâr;
te lu zuri, bambinute,
chel ti crepe chest unviâr
B
Benedeta l'antigaia
Benedeta l'antigaia,
benedets i timps passâts;
benedets chei di Davàusa,
maledèts chei di Sostâs
Chichirichi insomp la vile,
chichirichì jù da pè;
las fantatis di Davàusa,
àn la bocja da cafè
Biel vignint da l'Ongjarie
Chiste e je une vilote popolâr une vore cognossude in Friûl
Biel vignint da l'Ongjarie
la cjatai sul lavadôr
bandonai la companie
mi metei a fâ l'amôr
C
Ce bielis maninis
Ce bielis maninis, maninis d'amôr
che lis às fatis la mame tô
Va ju, va planc, stà fêr cu lis mans
oh bambinute d'amôr!
Ce buino l'ago frescjo
Joi ce buino l'ago frescjo
di Ludario e Rigulât
Volin toli uno botacio
par puartâlu a Cividât
Cividât no je uno vilo
ma uno ponto di citât
Gno morôs no l'è di chenti
ma à la cjaso a Cividât
Al ven su nomo la fiesto
lunc e sec come un sorgjâl
Che violute palidute
Che violute palidute
cjolte sù dal vâs cumò
vuei donâle a me Mariute
al gno ben ch'al è dut gno
Chel garoful cence mani
Chel garoful cence mani
indorât, su par chel mûr
Cuant ch'al passe il gno cjâr zovin
disarês ch'al è il gno cûr
Cuant ch'j lavi su pa Valcjalda
Cuant ch'j lavi su pa Valcjalda, joh!
cu la strecia par devòur;
mi clamavin - Svualda, Svualda joh!
sperançona dal gno còur
Chel grimâl di seda nera joh!
No lu vessio mai viodût;
lui l'è stât la mê ruvina joh!
su la flôr da zoventût
Oh straduta blancja e streta joh!
ch'a tu passis fòur par fòur;
oh Valcjalda benedeta joh!
oh Valcjalda dal gno còur
Cungiò ninine
Cuan ch'o foi a Vile Santine
cungiò ninine, cungiò ninine
Cuan ch'o foi a Vile Santine
cungiò ninine, cungiò ninine
Çurçuvint (vilote)
E Çurçuvint Disore,
e Çurçuvint Disot;
di sore a dan las noles,
di sot a dan ju lops
Da pè da clevo
Quant c'o foi da pè da clevo
scomençai a domandà
dulà ese la me puemo
che incuintro no mi ven
la rispuesto mi fu dado
dal gno grant plui cjâr amî
la to puemo je maridado
cuntun atro dal paîs
Joi ce dûl di chês curdelos
dai colaçs che j'ai paiât
e des scjarpos ch'j ai fruiado
par vignîti a cjatâ
Ducj i mus e montin
Me mari e je di Loncje
gno pari di Scjanus
a son colâts tal lutto
par'chè l'è muart el mus
Al ere un mus di monte
un mus lavoradôr
al è par chist ch'el nono
l'è deventât un siôr
Ducj i mus e montin
dome il gno nol monte mai
Sopis no son tripis
tripis no son sopis
astu mai zuiât cul cius?
Si c'o ai zuiât
o ai ancje mateât
joi ce gust c'o ai cjapât!
Vele là ch'e pisse
cence un pêl ta la palisse
Velu là ch'al trai
cence un pêl in tal so cai
Cjapimi le borse
fai fâ une corse
astu mai zuiât cul cius?
Gratimi la panse
soflimi te borse
fami fâ ancje a me puf puf
E
E la ligrie
E la ligrie e je dai zovins
e no dai vecjos maridâts
E l'àn piardude biel lant a messe
e in chê dì che son sposâts
E cjolmi me, cjolmi ninine
che jo ti doi di mangjâ ben
E a misdì ti doi uainis
e a la sere cuntun len
E su pes scjalis jo noti tocji
ma tal jêt in mans a me
E ghiti ghiti, e sot la plete
e fin che il muini al sune il dì
E mê mari m'al à dite
E mê mari m'al à dite - tal gei
m'al à fate professâ - in tal cos
oi la le le - in tal gei - oi la la!
Che s'o cjôl marît in Cjargne - tal gei
o ài la cosse di puartâ - in tal cos
oi la le le - in tal gei - oi la la!
E mê mari maridade - tal gei
e à cjolet cui c'à volût - in tal cos
oi la le le - in tal gei - oi la la !
E cussì farà sô fie - tal gei
cjolarà un a sô mût - in tal cos
oi la le le - in tal gei - oi la la!
F
G
Gjovanin colôr di rose
Gjovanin colôr di rose
'l è passât par chi cumò;
Lui mi à dit: "Mandi, morose"
jo 'j ài dit: "Ma la fè no!"
H
I
I fantats son lâts in vuere
I fantats son lâts in vuere
prin di ducj il gno morôs
vuei preâ matine e sere
par'che tornin vitoriôs
I soi da Sigjèet
I soi da Sigjèet, disêt, disêt
I soi da Sigjèet, disêt, disêt
Al jevo lu sariali ch'i soi inmò tal jèt, disêt, disêt
Al jevo lu sariali chi soi inmò tal jèt, disêt, disêt.
I soi da Fraseniot, disêt, disêt
I voi insomp lu prât, disêt, disêt
E cuan chi cjali atôr jo viôt dut Rigulât, disêt, disêt
E cuan chi cjali insomp jo viôt dur Rigulât.
Il cjalzumît
Al è ca chel puar om
ch'al lee cîz e padielis rotis
L'è ca...
cjalait ce robis
sêso sorts o no vêso bêçs?
Il ucefuarfis
Al è malât il ucefuarfis,
al à pôre di murî;
al à impegnade la cariole,
cun speranze di vuarî
In chê sere
In che sere i grîs cjantavin
vie pai prâts dal Nadison,
lis acazis svintulavin
e nulivin cussì bon
In che sere ti ai viodude
a tornâ sul cjar dal fen,
di lontan pò ti ai sintude
tu cjantavis cussì benfin lassù denant l'altar
e là vin zurade
tor del néstri fogolâr.
Su ciantín come une volte
e fasín ciantà i fis
e cussì la néstre ciâse
a divente un paradis.
J
Jo vuei bati tant la steche
Jo vuei bati tant la steche,
fin che rive su la brèe;
e mai mai no mi maridi,
se che frute no jè mê
Jè chê stele alte, alte
Je chê stele alte, alte
ch'e palese il gno destìn
là daûr di chê montagne
'l'è il gno ben, tant puarin
Jè rivade 'ne gran barcje
Jè rivade 'ne gran barcje,
di Cjargnei cence spadâ;
preparàisi fantacinis,
se si vuelis maridâ
Jè tornade primevere
Jè tornade primevere,
cui soi mîl e mîl odôrs;
dut il mont a mute siere,
duc' a tornin i colôrs
Ancje tu, tu sês tornade,
sisilute ti vuei ben;
vorês dati une bussade,
e tignìti sul gno sen
Dula vastu sisilute?
No sta lâ luntan luntan;
fà culì la tô cjasute
di stecùz e di pantàn
Reste pûr, reste pojade
sisilute, su chel lên;
vorês dati une bussade
e tigniti sul gno sen
K
L
L'ai domandade di sabide
L'ai domandade di sabide
se ûl fâ l'amôr cun me
'e à vût cûr di rispuindimi
no, no la fè!
Ma pûr in fons da l'anime
speri une dì ancjemò
che vedi di rispuindimi
sì, sì 'o soi tô
L'emigrant
Un dolôr dal cûr mi ven
dut jo devi bandonâ
patrie mame e ogni ben
e pal mont mi tocje lâ
Za jo viôt lis lagrimutis
di chel agnul a spuntâ
e bussant lis sôs manutis
jo 'i dîs:"mi tocje lâ"
La Roseane
'Ai cjatât 'ne biele frute
bionde, sane, fate ben
cu 'la cotule cortute
bielis spalis, un biel sen
Cun rispiet 'i doi la man
e 'i domandi là che stà
je mi dîs:"Lui l'è furlan!
Ancje jo soi sù di là!"
Da la Rusie l'antenât
stabilît sot il Cjanin
il gno ben al è soldât
'l'è di Resie 'l'è un alpin
La bielece de valade
cui paîs pojâts sui plans
de me val soi 'nemorade
soi di Resie o sin furlans
La biele sompladine
La biele sompladine
a riscjelave il fen
e intant che lu voltave
cjantave cussì ben
M
Mariutine 'e lade ad aghe
Mariutine 'e lade ad aghe
jo i'ai dît di no stâi trop
J'ere lade a la matine
Je tornade a miezegnot
Mieli (vilote)
Cheste e je une vilote scrite inte lenghe dal Cjanâl di Guart, dulà che si cjate il paîs di Mieli (une frazion dal comun di Comelians)
Mieli, Mieli, simpri Mieli!
Mieli Mieli, i torni a dî
cuant ch'jo passi dongjo Mieli
mi ven vojo di vaî!
Mieli Mieli tal soreli,
Mieli Mieli co 'l'è scûr
ai vedio il gno cjâr zovin
cuntun atro a fâ l'amôr!
N
Nina nana, bambinuta
Cheste e je une cjanzon de lis bandis di Gurize (lis peraulis a son in -a)
Nina nana, bambinuta
siara i voi e duar in pâs
Nina nana, biela fruta
la tô mari a ti à in braç
O
Oh ce biel cjscjel a Udin
Oh ce biel cjiscjel a Udin e je une vilote une vore famose che ducj i furlans a cognossin:
Oh ce biel cjiscjel a Udin
oh ce biele zoventût
Zoventût come a Udin
no si cjate in nissun lûc
A bussâ fantatis bielis
no l'è un fregul di pecjât
Oh no no marît a Truia
Oh no no marît a Truia,
il gno cûr nol dîs di lâ;
'a è la cleva massa erta,
'a mi cjôl il cjaminâ
P
Q
R
S
Sdrindulaie
Sdrindulaie e je une cjanson ca si cjantave une volte par fâ indurmidî i fruts:
Sdrindulaile che bambinute
che si torni a indurmindî
je jevade la biele stele
son trê oris denant dì
Soi passât cheste matine
Soi passât cheste matine
e il balcon l'ere siarât
Jo j'ai dît mandi ninine
e il balcon si è spalancât
Stelutis Alpinis
Se tu vens cassù ta cretis
là che lôr mi àn soterât,
al è un splàz plen di stelutis:
dal miò sanc l'è stât bagnât.
Par segnâl, une crosute
je scolpide lì tal cret:
fra chês stelis nas l'arbute,
sot di lôr jo duâr cujet.
Cjôl sù, cjôl une stelute:
jê a'ricuarde il nestri ben.
Tu j darâs `ne bussadute,
e po' plàtile tal sen.
Quant che cjase tu sês sole
e di cûr tu préis par me,
il miò spirt atôr ti svole:
jo e la stele sin cun te.
Su la cime di Daude
Su la cime di Daude
'l è nassût un sì biel flôr;
o crodèvistu macaco,
che par te vès vût amôr
Su la plui alte cime
Che chi e je une vilote une vore famose in Friûl
Su la plui alte cime
al jeve il soreli a binore
e cheste no je l'ore
di bandonâ l'amôr
Sul puint di Braulins
Sul puint di Braulins
al è passât un asìn
cu la cussute plene di luvìns
Trop ju vendeiso?
trop ju vendeiso paròn?
une palanche, plene la sedon
Oh ce beveiso?
oh ce beveiso paròn?
o blanc o neri baste ch'al sedi bon
E cuant tornaiso?
cuant mai tornaiso a vignî?
doman di sere prime da l'imbrunì
E la gnôt dopo
cuant che l'arsin a è tornât
fin lis stelutis dutis i an cimiât
Sunàit cjampanis
Oh sunâit, sunâit cjampanis
che il gno cûr mi pâr sclopât
cumò puartin la mê biele
tal sagrât a soterâ
E jo sol su chiste tiare
no l'è câs ch'o puedi stâ
oh, la muârt mi vegni a cjoli
che il gno ben vuei lâ a cjatâ
T
U
V
Vegnin ju i cjargnei de Cjargne
Vegnin ju i cjargnei de Cjargne
vegnin ju batint il tâc
Cu la pipe in te sachete
cence un fregul di tabac
W
X
Y
Z